د سترې محکمې د دعوت او ارشاد ریاست پلاوي ميدان وردګ ولايت ته سفر وکړ
د سترې محکمې د دعوت او ارشاد رياست رئيس محترم حافظ مولوي عبدالعزيز (ميوندي) د یاد ریاست د مدرس مفتي عبالمالک (انقیادي) په ملتیا، په ۱/ ۴/ ۱۴۴۷ هـ ق نېټه ميدان وردګ ولايت ته سفر وکړ.
یاد پلاوي ته د مرافعه محکمې رئيس محترم مفتي عبدالله (فرقاني) او د مرافعه محکمې د دعوت او ارشاد آمر مفتي عبدالله (عزام) لخوا ښه راغلاست وويل شو.
ورپسې د دعوت او اشاد رئيس له نظامي مجاهدينو سره ليدنه وکړه او هغوی ته يې لازمې لارښوونې وکړې.
د ليدنې په دوام د دعوت او ارشاد رياست مدرس د یاد ولايت د مرافعه محکمې رئیس، ټولو قضاتو، قضائي غړو او اداري کارکوونکو سره غونډه وکړه.
د دعوت او ارشاد رياست مدرس د تېر جهاد په مثبت پایلو او د امير پر اطاعت تفصيلي خبرې وکړې وويل، دا اسلامي او شرعي نظام د الله (جل جلاله) یو ستر نعمت دی، چې شکر ادا کول يې پر ټولو لازم او واجب دی.
د ليدنې په وروستيو کې ياد پلاوي د دعوت او ارشاد آمریت کارونو ارزونه وکړه او د چارو د ښه والي په موخه يې ورته لازمې لارښوونې وکړې.
لیدنه د دعاء په ویلو پای ته ورسېده.
