د کونړ ولايت مرافعه محکمې رئيس په مشرۍ اداري غونډه وشوه
د کونړ ولایت مرافعه محکمې رئيس محترم مولوي محمد ایوب (قلم) په مشرۍ؛ د ابتدائيه محاکمو له رئیسانو سره په ۲۹/ ۹/ ۱۴۴۶ هـ ق نېټه اداري غونډه وشوه.
غونډه د قرآنکريم د څو مبارکو آیاتونو په تلاوت پيل شوه؛ ورپسې د مرافعه محکمې رئيس د غونډې ګډونوالو ته ښه راغلاست ووایه او د غونډې د اجنډا په اړه یې تفصيلي خبرې وکړې وویل، په روزمره اجراآتو کې باید زموږ او ستاسو ستره موخه د الله (جل جلاله) رضاء وي.
نوموړي حاضرۍ ته پر پابندۍ، اجراآتو کې پر شفافیت، دوسیو باندې په خپل وخت او په غور سره اجراآت کولو، د سترې محکمې د عالي مقام څخه د صادر شویو متحدالمآلونو تعقیب او تطبیق ته جدي پاملرنې، د متحدالمآلونو مطابق اجرااآتو او په خپل منځ او د اړوند ادارو سره په همغږۍ ټینګار وکړ.
د غونډې په وروستیو کې د اړوند محاکمو مسؤولینو خپلې اړتياوې د مرافعه محکمې له رئیس سره شریکې کړې، چې د یادو اړتياوو د پوره کولو ډاډ ورکړل شو.
غونډه د دعا په لوستلو پای ته ورسېده.
