د ننګرهار ولايت مرافعه محکمې رئيس په مشرۍ د همغږۍ غونډه وشوه

د ننګرهار ولایت مرافعه محکمې رئیس محترم خلیفه محبوب الرحمن (نقشبندي) په مشرۍ؛ د قضائي چارو د پياوړتیا، د دوسیو د حل، دندو ته د پابندۍ، مفرزه قطعې درسونو او یو شمېر نورو قضائي او اداري موضوعاتو د بحث په موخه، په ۱۹/ ۲/ ۱۴۴۷هـ ق نېټه د مرافعه او ښاري ابتدائيه محاکمو د دېوانونو رئیسانو په ګډون غونډه وشوه.
د غونډې په پيل کې مرافعه محکمې رئيس ټولو ګډونوالو ته ښه راغلاست ووایه، زیاته يې کړه، د نن غونډه د قضائي چارو د پیاوړتیا او اړونده موضوعاتو په اړه ده.
ورپسې د قضائي چارو د لا تقویې او په دې برخه کې د شفافیت لوړولو په اړه هر اړخیز بحث وشو.
په یاده غونډه کې د عدلي او قضائي ادارو ترمنځ پر ښو اړيکو او لا ښې همغږۍ د ټينګار ترڅنګ، دوسیو ته د اصولو په رڼا کې پر ژر رسېدنې خبرې وشوې.
دغه راز په غونډه کې ټينګار وشو چې باید د عدالت اصل رعایت شي؛ د قضائي غړو او اداري کارکوونکو په حاضرۍ او نورو مهمو مواردو بحث او خبرې وشوې.
 غونډه د عاء په ویلو پای ته ورسېده.