د هلمند نظامي محکمې له زندان څخه ۲۰ بندیان د کندهار زون مرکزي زندان ته انتقال شول
د ۱۴۴۵ هـ ق کال د ذوالحجة الحرام میاشتې په ۲۹مه نېټه د هلمند د نظامي محکمې له زندان څخه ۲۰ هغه بندیان چې د محکمې لخوا له یوه کال په ډېر بند محکوم شوي وو، د کندهار زون مرکزي زندان ته انتقال شول.
د یادونې وړ ده چې یاد کسان د قتل، اختطاف، قطاع الطریقۍ، غلا او تجاوز، دولتي اسلحو د پلور او ناروا اړیکو په جرمونو په ابدي بند، ۲۰ کاله بند، ۸ کاله بند، ۵ کاله بند او ۲ کلونو بند محکوم شوي وو او دوسیې یې د هلمند د نظامي محکمې لخوا نهائي شوې دي.
