د سترې محکمې د حقوقو عمومي رياست رئیس د هېواد شپږو ولايتونو ته سفر وکړ
د سترې محکمې د حقوقو عمومي رياست رئیس محترم مفتي محمد ابراهیم جان (ابوالحافظ) د یوه پلاوي په ملتیا هلمند، هرات، فراه، نیمروز، بادغیس او روزګان ولایتونو ته په ۲۳/ ۲/ ۱۴۴۶ هـ ق نېټه د حقوقو اړوند اداري منسوبینو ته د سیمنار د ورکړې او خالي بستونو لپاره له متقاضیانو څخه د ازموینې اخيستو په موخه سفر وکړ.
په دې سفر کې د حقوقو رئيس د مرافعه محاکمو له رئیسانو او د حقوقو له آمرینو سره لیدنه وکړه او د یادو ولایتونو د حقوقو آمرینو، د ولسوالیو مدیرانو او مسلکي غړيو ته ځانګړی سیمینار ورکړل شو.
دغه راز په دې سفر کې د اړوندو اداري څانګو د خالي بستونو لپاره د وړ کسانو د موندلو او ټاکلو په موخه له (۳۵۰) کسانو څخه د ازاد رقابت له لارې ازموینه واخیستل شوه.
د حقوقو عمومي رئيس یاد له لاسته راوړنو ډک نهه ورځنی سفر په ۲ /۳ ۱۴۴۶ هـ ق نېټه پای ته ورسېد.
