د کابل ولایت مرافعه محکمې مرستیال د ښاري ابتدائیه محکمې له درېیم زون څخه لیدنه وکړه
د کابل ولایت د مرافعه محکمې مرستیال محترم مولوي محمد مبین (الطاف) په ۱۴۴۶/۸/۶ هـ ق نېټه، د ښاري ابتدائیه محکمې له درېیم زون څخه لیدنه وکړه.
د ليدنې په پيل کې د مرافعه محکمې مرستيال له قضائي غړو سره وليدل، ورپسې يې د یاد زون د جزا، تجارتي، بانکي او مالیاتي، مدني او عامه امنيت دېوانونو له اجراآتو څخه څارنه وکړه او د یاد زون د حاضرۍ، واردې او صادرې، جزائي او حقوقي اندراج او د رسیداتو کتابونه وکتل.
د ليدنې په وروستيو کې د مرافعه محکمې محترم مرستيال مسؤولينو ته لازمې لارښوونې وکړې وویل، دوسیو ته د رسېدنې پر مهال نوبت باید په جدي توګه په پام کې ونیول شي، هڅه وکړئ چې مراجعینو ته غوره آسانتیاوې برابرې کړئ او د دېوانونو چارې وخت په وخت تعقیب کړئ.
