لوګر ولايت کې يوه متهم ته تعزيري سزا ورکړل شوه
په ۱۴ /۱۰ /۱۴۴۵ هـ ق نېټه د لوګر ولایت د محمداغې ولسوالۍ د ابتدائیه محکمې د پرېکړې په اساس یو تن ته چې په زنا متهم و، په عام محضر کې (۳۰) دُرې تعزيري سزا ورکړل شوه.
په دې موخه جوړه شوې غونډه کې د امارتي ادارو پر مسؤولینو سربېره د یادې ولسوالۍ ګڼ شمېر سپین ږیرو او ځوانانو ګډون درلود.
یادې غونډې ته د لوګر ولایت د محمدآغې ولسوالۍ د ابتدائیه محکمې قاضي اصلاحي وينا وکړه وویل، د حدودو او تعزیراتو په تطبیق سره امن، خیر او د ټولنې اصلاح راځي، په ټولنه کې عفت او مصؤنیت حاکم ګرځي او د فساد مخه نیول کېږي.
د ابتدائيه محکمې ياده پرېکړه د سترې محکمې د عالي مقام له تائید وروسته پر متهم تطبیق شوه.
