د نورستان، بادغيس، پنجشېر او هرات ولایتونو د حقوقو آمريتونو په يوه مياشت کې (۳۳۳۹) عرضپاڼو او دوسيو ته رسېدنه کړې ده
د سترې محکمې د حقوقو عمومي ریاست اړوند د نورستان، بادغيس، پنجشېر او هرات ولايتونو د حقوقو امريتونو په يوه مياشت کې له (۴/ ۱۰/ ۱۴۴۶ هـ ق څخه تر ۲۹/ ۱۰/ ۱۴۴۶هـ ق) نېټې پورې (۳۳۳۹) عرضپاڼو او دوسيو ته رسېدنه کړې ده؛ چې جزئيات يې په لاندې ډول دي.
د عرضپاڼو په برخه کې:
د نورستان، بادغيس، پنجشېر او هرات ولایتونو د حقوقو امريتونو په يوه مياشت کې د مدني، فاميلي او سوداګریزو دعواوو په برخه کې (۲۹۸۷) عرضپاڼو ته رسېدنه کړې ده.
له دې جملې څخه (۶۵۶) عرضپاڼې اصلاح او ابراء شوې، (۸۰۸) عرضپاڼې محاکمو ته لېږل شوې، (۳۰۶) عرضپاڼې نورو ادارو ته راجع شوې، (۱۲۱۷) عرضپاڼې حفظ شوې او پاتې عرضپاڼې تر اجراآتو لاندې دي.
د دوسيو په برخه کې:
د نورستان، بادغيس، پنجشېر او هرات ولایتونو د حقوقو آمريتونو په يوه مياشت کې د مدني، فاميلي او سوداګریزو دعواوو په برخه کې (۳۵۲) دوسيو ته رسېدنه کړې ده.
له دې جملې څخه (۱۱۰) دوسيې تطبيق شوې، (۵۶) دوسيې محاکمو ته لېږل شوې، (۲۹) دوسيې نورو ادارو ته راجع شوې، (۱۵۷) دوسيې حفظ شوې او پاتې دوسيې تر اجراآتو لاندې دي.
