د ننګرهار او دايکنډي ولايتونو محاکمو په دوو اونيو کې (۴۹۰) دوسیو ته پر رسېدنه سربېره، (۲۵۰) وثیقې هم اجرا کړې دي

د ننګرهار او دايکنډي ولايتونو مرافعه محاکمو، وثايقو، ښاري ابتدائیه او د ټولو ولسواليو ابتدائیه محاکمو په دوو اونيو کې له ( ۱۶/ ۷/ ۱۴۴۶ هـ ق څخه تر ۲۹/ ۷/ ۱۴۴۶ هـ ق) نېټې پورې (۴۹۰) دوسيو ته رسېدنه کړې او (۲۵۰) وثيقې یې هم اجرا کړې دي، چې جزئيات يې په لاندې ډول دي.
په حقوقی برخه کې:
د ننګرهار او دايکنډي ولایتونو محاکمو ته په دوو اونيو کې (۲۹۴) حقوقي دوسيې واردې شوې، په داسې حال کې چې مخکې هم یو شمېر دوسیې موجودې وې.
له دې جملې څخه د (۸۰) دوسیو په تړاو قضائي قرارونه صادر شوي، (۹۵) دوسیې فیصله شوې، (۲۷) دوسیې مکتوبي اجرا شوې او پاتې دوسيې تر کار لاندې دي.
په جزائي برخه کې:
 د ننګرهار او دايکنډي ولایتونو محاکمو ته په دوو اونيو کې (۱۸۶) جزائي دوسیې واردې شوې، په داسې حال کې چې مخکې هم یو شمېر دوسیې موجودې وې.
له دې جملې څخه د (۷۲) دوسیو په تړاو قضائي قرارونه صادر شوي، (۱۲۱) دوسیې فیصله شوې،(۲۹) دوسیې مکتوبي اجرا شوې او پاتې دوسیې تر کار لاندې دي.
په تجارتي برخه کې:
د ننګرهار او دايکنډي ولايتونو محاکمو ته په دوو اونيو کې (۱۱) تجارتي دوسیې واردې شوې، په داسې حال کې چې مخکې هم يو شمېر دوسيې موجودې وې.
له دې جملې څخه د (۳۲) دوسیو په تړاو قضائي قرارونه صادر شوي، (۱۸) دوسیې فیصله شوې، (۱۶) دوسیې مکتوبي اجرا شوې دي.
د وثيقو برخه کې:
د ننګرهار او دايکنډي ولايتونو محاکمو په دوو اونيو کې (۲۵۰) بېلا، بېلې وثيقې هم اجرا کړې دي.