د پکتيکا ولايت د ډيله ولسوالۍ ابتدائيه محکمې د مسؤولينو په هڅو د دوو کورنیو ترمنځ (۳۰) کلنه دښمني پای ته ورسېده
د پکتیکا ولایت د ډیله ولسوالۍ د ابتدائیه محکمې مسؤولین له ډېرو هڅو وروسته وتوانېدل چې په ۲۸/ ۵/ ۱۴۴۶هـ ق نېټه د دوو کورنیو ترمنځ د قتل پېښې له امله رامنځته شوې دښمني چې له تېرو ۳۰ کلونو راهیسې یې دوام درلود حل او پای ته ورسوي.
یاده دښمني ۳۰ کاله مخکې د ډیله ولسوالۍ په دولت خان کلي کې د یو سړي د قتل له امله د دوو کورنیو ترمنځ رامنځته شوې وه؛ چې د ابتدائیه محکمې د مسؤولینو د ډېرو هڅو او نېکو توصیو په پایله کې جانبین سولې ته راضي او دغه دښمني یې رسماً پای ته ورسېده.
په دې موخه جوړه شوې غونډه کې دواړو کورنيو ژمنه وکړه، چې نور به خپل ژوند د دوستۍ په فضا کې په خوښۍ سره تېروي.
یاده غونډه د دعاء په ویلو پای ته ورسېده.
