د پکتيکا د استيناف محکمې یوه پلاوي له درېيو ابتدائيه محاکمو څخه ليدنه وکړه
د پکتيکا ولايت د استيناف محکمې یوه پلاوي له ابتدائیه محاکمو د لیدنو په دوام پرون سه شنبې (۱۰ /۶ /۱۴۴۴ هـ ق) نېټه د دغه ولایت د وزاېخوا، وړممۍ او تروې ولسواليو له ابتدائيه محاکمو څخه ليدنه وکړه.
د استیناف محکمې دغه پلاوي چې د یادې محکمې د جزاء دېوان رئیس مفتي محمد عرفان (الهام)، د جزاء دېوان مفتي مولوي عبدالمنان (محق) او د وثایقو امر مولوي عبدالصمد (حامد) يې غړیتوب درلود، د استيناف محکمې د عمومي رئیس په هدايت يادو ولسواليو ته سفر وکړ، هلته يې د دغو ولسواليو د ابتدائیه محاکمو له رئیسانو، مفتيانواو محررینوسره وليدل.
یاد پلاوي د محاکمو د حاضريو کتابونو، د وثایقو کتابونو، اندراج کتابونو، صادرې او واردې د دفتر له کتلو وروسته يوه نسخه د فيصلو هم مطالعه کړه، دغه راز يې د محاکمو مسؤولینو ته د اړوند چارو د ښه ترسره کولو، د مشرتابه مقام او د سترې محکمې د فرمانونو د تطبيق په اړه لازم هدايات وکړل.
د يادو محاکمو محترمو رئیسانو، مفتیانو او نورو غړو د پلاوي له ورتګ څخه د خوښۍ څرګندولو تر څنګ ځينې مهم مسایل له یاد پلاوي سره شريک کړل چې الحمدلله مناسبې حللارې ورته پيدا شوې.
د استيناف محکمې پلاوی له لاسته راوړنو د دغه ډک درې ورځني سفر وروسته بېرته مرکز ته راستون شو .
