د هیواد نهو ولایتو ته د سترې محکمې د تدقیق او مطالعاتو د عمومي رئیس په مشرۍ پلاوي سفر پای ته ورسېد

m_admin
دوشنبه ۱۴۰۱/۶/۲۸ - ۱۲:۴۴
د هیواد نهو ولایتو ته د سترې محکمې د تدقیق او مطالعاتو د عمومي رئیس په مشرۍ پلاوي سفر پای ته ورسېد

د هیواد نهو ولایتونو  (تخار، بدخشان، کندوز، سرپل، مزار شریف، جوزجان، فاریاب، سمنګان او بغلان) ته د سترې محکمې د تدقیق او مطالعاتو د عمومي رئیس محترم مفتي حزب الله (ابراهيمي) په مشرۍ د سترې محکمې د یوه پلاوي له لاسته راوړنو ډک ۱۲ ورځنی سفر په ۱۴۴۴/۲/۲۰هـ ق نېټه پای ته ورسېد.

د سترې محکمې دغه پلاوي چې په تشکیل کې یې د سترې محکمې د بشري سرچینو سرپرست رئیس محترم مولوي سیف الله (آغا)، د تدقیق او مطالعاتو ریاست قضائي مدقق محترم حافظ مولوي حمدالله (محمدي) او د ظرفیت لوړونې او اجراآتو د ارزیابۍ رئیس محترم حافظ نصیراحمد هم ګډون درلود په ۱۴۴۴/۲/۸ هـ ق نېټه د ولایتي محاکمو د اداري او قضائي چارو د ارزونې په موخه یادو نهو ولایتونو ته سفر وکړ.

د سترې محکمې د تدقیق او مطالعاتو عمومي رئیس محترم مفتي حزب الله (ابراهیمي) او ورسره مل پلاوي د دغه سفر پر مهال د ولایتي استیناف او ښاري محاکمو پر رئیسانو سربېره د یو شمېر ولایتونو له والي صاحبانو او نورو  اداري مسوولینو سره وکتل.

د سترې محکمې دغه پلاوي د ولایتي محاکمو مسوولینو ته هدایت وکړ چې د هیوادوالو قضیو ته په ټاکلي وخت او شفافه توګه رسېدنه وکړي.

یاد پلاوي په ولایتي محاکمو کې د وړ قضائي کارکوونکو د جذب په موخه بدخشان ولایت کې له ۱۴۰ دیني علماوو ، په فاریاب ولایت کې له ۳۵ دیني علماوو او په سرپل ولایت کې له ۴۰ دیني علماوو څخه د قضاء مسلک کې ازموینه واخیسته.

دغه راز یاد پلاوي د ولایتي محاکمو د اداري چارو (صادرې، واردې، اندارج، جلب، د ابلاغ پارچې، وړاندیز او مکتوبونو) ارزونه وکړه.

تازه خبرونه

سه‌شنبه ۱۴۰۱/۷/۵ - ۹:۵۴
Background image

ستره محکمه د افغانستان اسلامي امارت د رئیس الوزراء محترم مقام لخوا وستایل شوه

د افغانستان اسلامي امارت ستره محکمه ملت ته د حساب ورکولو پروګرام کې د امارتي ادارو او رسنیو د فعاله ونډه اخیستنې ستاینغونډه کې د ریاست الوزراء د محترم مقام لخوا وستایل شوه.

په دې غونډه. . .

سه‌شنبه ۱۴۰۱/۷/۵ - ۹:۴۸
Background image

د عالیقدر امیرالمؤمنین حفظه الله د حکم په اساس د سترې محکمې په مربوطه ادارو کې لاندې ټاکنې وشوې

  1. د پکتیا زون د نظامي محکمې مخکنی قاضي مولوي عزیزالله (برهاني) د یادې محکمې د رئیس په توګه.
  2. مولوي محمد ظفر غازي د پکتیا زون د نظامي محکمې د اجرائیه قومندان په توګه.
  3. مولوي محمد ابراهیم. . .
چهارشنبه ۱۴۰۱/۶/۳۰ - ۱۴:۶
Background image

د سترې محکمې د مسؤولینو ترمنځ اداري ناسته ترسره شوه

د سترې محکمې د مسؤولینو ترمنځ اداري ناسته ترسره شوه

د سترې محکمې د اداري معاون محترم شیخ عبدالمالک (حقاني) حفظه الله په مشرۍ په ۱۴۴۴/۲/۲۲هـ ق نېټه د سترې محکمې د اداري چارو د لا ډېر. . .

بیا په خبرونو کی