د سترې محکمې د تدارکاتو آمریت خبرتیا
د افغانستان اسلامي امارت د سترې محکمې تدارکات پر شرایطو برابرو ټولو داوطلبانو ته بلنه ورکوي، چې د ۱۴۰۵هـ ش مالي کال د سترې محکمې کارکوونکو ته د غرمې ډوډۍ لپاره د (۴) قلمه خوراکي توکو لکه (وریجې، لوبیا، غوړيو او نخودو) د تدارکاتو په داوطلبۍ کې ګډون وکړي، د شرطپاڼې نقل د مالي او اداري چارو عمومي ریاست د تدارکاتو له آمریت څخه په فلش یا ډسک کې تر لاسه کړئ، خپل آفرونه په شرطپاڼه کې د ذکر شویو شرطونو او عقودو قانون په رڼا کې په سربسته او تړلي ډول د دې خبرتیا د خپرېدو له نېټې څخه د ۱۷/۳/۱۴۰۵هـ ش نېټې تر ۱۰:۳۰بجو پورې د کابل ښار د عامې روغتیا څلور لارې ته څېرمه د سترې محکمې د مالي او اداري چارو عمومي ریاست اړوند تدارکاتو آمریت ته وسپارئ، تر یادې نېټې وروسته او د انټرنیټ له لارې را رسېدلي آفرونه د منلو وړ نه دي.
د آفر تضمین [په بانکي ډول ]یو سل او اتیا زره (۱۸۰۰۰۰) افغانۍ دی.
د آفرونو پرانیسته په ۱۷/۳/۱۴۰۵هـ ش نېټه مخکې له غرمې ۱۰:۳۰ بجې په ستره محکمه کې تر سره کیږي.
نوټ:د آفرونو د پرانستې څخه تر مخ ناسته ۱۲/۳/۱۴۰۵ هـ ش نېټه د سترې محکمې په تدارکاتو آمریت کې ترسره کیږي.
