د سترې محکمې د تدارکاتو آمريت خبرتيا
د افغانستان اسلامي امارت د سترې محکمې تدارکات پر شرایطو برابرو ټولو داوطلبانو ته بلنه ورکوي، چې د ۱۴۰۳ هـ ش مالي کال د سترې محکمې کارکوونکو ته د غرمې ډوډۍ لپاره د ۴قلمه خوراکي توکو (وریجې، غوړي، لوبیا، نخود) د تدارکاتو په داوطلبۍ کې ګډون وکړي، د شرطپاڼې نقل د مالي او اداري چارو عمومي ریاست د تدارکاتو له آمریت څخه په فلش یا ډسک کې تر لاسه کړئ، خپل آفرونه په شرطپاڼه کې د ذکر شویو شرطونو او د تدارکاتو قانون او طرزالعمل په رڼا کې په سربسته او تړلي ډول ددې خبرتیا د خپرېدو له نېټې څخه د ۱۵/۱/۱۴۰۳هـ ش نېټې تر ۱۰:۳۰بجو پورې د کابل ښار د عامې روغتیا څلور لارې ته څېرمه د سترې محکمې د مالي او حسابي چارو ریاست اړوند د قراردادونو د اسانتیا عمومي مدیریت ته وسپارئ، تر یادې نېټې وروسته او د انټرنټ له لارې را رسېدلي آفرونه د منلو وړ نه دي.
د آفر تضمین په بانکي ډول (۱۴۰۰۰۰) افغانۍ دی، د آفرونو پرانیسته په ۱۵/۱/۱۴۰۳هـ ش نېټه له غرمې مخکې ۱۰:۳۰ بجې په ستره محکمه کې تر سره کېږي.
نوټ: د آفرونو د پرانستې څخه تر مخ ناسته په ۸/۱/۱۴۰۳هـ ش نېټه د سترې محکمې په تدارکاتو آمریت کې تر سره کېږي.
