د زابل ولايت د ترنک او جلدک (شهرصفا) ولسوالۍ د ابتدائيه محکمې له لوري د قتل موضوع حل او فصل شوه
څه موده مخکې د زابل ولایت د شهر صفا ولسوالۍ د جلدک سيمه کې د ۵۸۰ ډوله موټر او موټر سايکل تر منځ ترافيکي پېښه رامنځته شوې وه چې له امله یې د شيراحمد په نوم یو کس ژوند له لاسه ورکړی و او يو کس زخمي و.
د یادو کسانو دوسیه د شهر صفا ولسوالۍ ابتدائیه محکمې ته تر راجع کېدو وروسته په غور او دقت وڅېړل شوه؛ له بشپړې څېړنې وروسته د دې محکمې د مسؤولینو په هڅو د روان ۱۴۴۵ هـ ق کال د ربیع الاول میاشتې په ۱۱مه نېټه یاده دوسیه داسې حل او فصل شوه چې د قاتل بالخطا کورنۍ د مقتول وارثینو ته دیت ورکړ.
د يادونې وړده چې دا پنځمه د قتل موضوع ده چې د شهر صفا ولسوالۍ د ابتدائيه محکمې له لوري حل او فصل کيږي.
