د زابل ولایت شهرصفا ولسوالۍ ابتدائيه محکمې مسؤولینو په هڅو د قتل دوه موضوعات حل او فصل شول
د زابل ولایت شهرصفا ولسوالۍ ابتدائيه محکمې د رئيس محترم مفتي عزیزالله (افغان) په ډېرو هڅو؛ قومي مشرانو او سپينږیرو په منځګړیتوب، د ترافيکي پېښو له امله رامنځته شوي د قتل دوه موضوعات، د ۱۴۴۷ هـ ق د شعبان المعظم مياشتې په ۸مه او ۱۵مه نېټه حل او فصل شول.
یاد موضوعات د (سوزکي او فلډر، واګنر موټر او موټرسيکل) د ټکر له امله رامنځته شوي وو؛ چې دوه کسان په کې وژل شوي او څلور نور ټپیان وو.
دغه موضوعات ابتدائیه محکمې ته تر راجع کېدو وروسته په غور او دقت وڅېړل شول، د دواړو موضوعاتو طرفین سولې ته ترغيب شول او دوی هم ومنله.
د قاتلینو لخوا د مقتولینو وارثينو ته ديت او د ټپیانو د درملنې په موخه څه اندازه پيسې ورکړل شوې؛ قاتلینو ته بخښنه وشوه او موضوعات يې رسماً پای ته ورسېدل.
