د سترې محکمې د تدقيق او مطالعاتو عمومي ریاست د ۱۴۴۷ هـ ق کال د درېيمې ربعې لنډ راپور

د سترې محکمې د تدقيق او مطالعاتو عمومي ریاست د ۱۴۴۷ هـ ق په درېیمه ربعه کې لاندې عمده فعاليتونه ترسره کړي دي:
1.    د (۲۵۸) جزائي، مدني، تجارتي موضوعاتو، وثایقو، متفرقه استهداآتو، قضائي تفتیش عمومي ریاست د راپورونو، عارضینو د عریضو او نورو اړوند مواردو په اړه تدقیقي نظریات ورکړل شوي دي.
2.    د مرکزي زون نظامي محکمې د اداري فساد قضیو ته د رسېدنې طرزالعمل، د سترې محکمې د تمیز عمومي ریاست د جزا دېوان طرزالعمل، د قضائي غړو د سلوک طرزالعمل، د مهرونو د جوړولو او کارولو طرزالعمل، د بانکونو د پخوانیو پورونو اړوند د اختصاصي محکمې  طرزالعمل، د محاکمو د قضائي غړو د سلوک طرزالعمل، د سترې محکمې د اداري کارکوونکو  طرزالعمل، د سترې محکمې له کلتوري مرکزونو څخه د ګټه اخیستنې طرزالعمل، د بهرنیو وکالت خطونو د قضائي قرار صادرولو لپاره طرزالعمل، د قضائي تدقیق ریاست د فعالیتونو لایحې، د مطالعاتو ریاست اړوند د لایحې کتاب، د تحریراتو لایحې او د عقاري ملکیت د اسنادو د دوراني فورم لپاره لارښود تر غور لاندې نيول شوي او د وروستيو اجراآتو او تائيدۍ په موخه د سترې محکمې عالي مقام ته لېږل شوي.
3.    پر خبر عدل، قرینې یا اقرار بناء جزائي موضوعاتو لپاره اصول ترتیب او د تائيد په موخه د سترې محکمې محترم عالي مقام ته ولېږل شو.