د زابل ولایت شهرصفا ولسوالۍ ابتدائیه محکمې مسؤولينو په هڅو د قتل موضوع حل او فصل شوه
د زابل ولایت شهرصفا ولسوالۍ ابتدائيه محکمې د مسؤولینو په هڅو؛ د قومي مشرانو او سپينږیرو په منځګړیتوب د ترافيکي پېښې له امله رامنځته شوې د قتل موضوع، په ۱۹/ ۱۰/ ۱۴۴۷هـ ق نېټه حل او فصل شوه.
دغه پېښه د یادې ولسوالۍ د سيدانو کلي په سیمه کې د (ويګو ډوله موټر او موټرسایکل) ترمنځ د ټکر له امله رامنځته شوې وه او يو کس په کې وژل شوی و.
په یاده موضوع کې د قاتل لخوا د مقتول وارثینو ته ديت ورکړل شو او رسماً يې موضوع پای ته ورسېده.
