د زابل ولايت اتغر ولسوالۍ ابتدائیه محکمې مسؤولينو په هڅو د قتل موضوع حل او فصل شوه
د زابل ولايت اتغر ولسوالۍ ابتدائیه محکمې د رئيس محترم مفتي عنايت الله په ډېرو هڅو؛ د مصلحينو لخوا، په ۲۰/ ۸/ ۱۴۴۷هـ ق نېټه د قتل موضوع حل او فصل شوه.
یاده موضوع ابتدائیه محکمې ته تر راجع کېدو وروسته په غور او دقت وڅېړل شوه، د مسؤولينو په ډېرو هڅو دواړه طرفونه سولې ته وهڅول شول او دوی هم ومنله.
په دغه موضوع کې يو کس په قتل رسېدلی و؛ د قاتل کورنۍ لخوا د مقتول وارثينو ته څه اندازه پيسې ورکړل شوې او موضوع يې رسماً پای ته ورسېده.
