د هلمند ولايت مرافعه محکمې د مسؤولینو ترمنځ غونډه وشوه 

د هلمند ولایت مرافعه محکمې د عمومي رئیس محترم مفتي محمد (محمدي) په مشرۍ او د دېوانونو رئیسانو، مفتيانو، محررینو او د تحریراتو آمر په ګډون په ۱۴/۷/۱۴۴۶ هـ ق نېټه غونډه ترسره شوه.
یاده غونډه د قرآنکريم د څو مبارکو آياتونو په تلاوت پيل شوه؛ ورپسې له قضائي غړو سره د دوسیو د حل او فصل په تړاو بحث وشو او د حقوقي بندیانو د بند د نېټې په اړه هم خبرې وشوې.
د غونډې په دوام د ګډونوالو لخوا پرېکړه وشوه چې د مرافعه محکمې اړوند د جزا دېوان په مشرۍ به د زندان او بنديانو په تړاو د صنف بندۍ او د بندیانو د سن معلومولو په اړه يو پلاوی جوړ شي؛ چې د پوهنې، استخباراتو، ولایت مقام، امربالمعروف او اطلاعاتو او کلتور رياستونو پلاوي به يې هم ملتيا کوي.
د غونډې په پای کې د امنیت د ټینګښت ترڅنګ پر یو شمېر نورو موضوعاتو بحث او لازمې پرېکړې وشوې.
غونډه د دعا په ويلو پای ته ورسېده.