د سترې محکمې د دعوت او ارشاد رياست پلاوي د هېواد د ټولو ولايتونو د مرافعه محاکمو لپاره د دعوت او ارشاد برخې آمرين وټاکل
د سترې محکمې د دعوت او ارشاد رئيس محترم حافظ مولوي عبدالعزيز (ميوندي) په مشرۍ د یاد رياست پلاوي د هېواد د ټولو ولايتونو د مرافعه محاکمو لپاره د دعوت او ارشاد برخې آمرين وټاکل.
د دعوت او ارشاد ریاست پلاوي په دې موخه ټولو ولايتونو کې له علماء کرامو څخه آزموینې واخیستې او د دوی له ډلې يې یو ـ یو ممتاز کس د هر ولايت د مرافعه محکمې لپاره د دعوت او ارشاد برخې د آمر په توګه وټاکه.
دغه راز یاد پلاوي د خپل سفر پر مهال د یادو ولايتونو د مرافعه، ښاري ابتدائیه او نظامي محاکمو له مسؤولینو، منسوبینو او دغه راز د نظامي قطعې له منسوبینو سره جلا، جلا اصلاحي غونډې وکړې.
په دې اصلاحي غونډو کې د ياد پلاوي لخوا ګډونوالو ته د تقوا، اخلاص، صداقت، علم، ور سپارل شوو مسؤوليتونو په ښه ډول سرته رسولو او د اسلامي امارت د بقا لپاره د خدمت اړوند مهمې او ارزښتناکې ويناوې وشوې.
د یادونې وړ ده چې د سترې محکمې د دعوت او ارشاد رياست پلاوي تېره ورځ ۲۰/ ۴/ ۱۴۴۶ هـ ق نېټه د پکتيکا ولايت د مرافعه محکمې لپاره د دعوت او ارشاد برخې آمر وټاکه او په دې سره د ياد پلاوي ولايتونو ته پيل شوی سفر پای ته ورسېد.
