د زابل د شهرصفا ولسوالۍ د ابتدائیه محکمې په هڅو د مقتول کورنۍ قاتل ته بخښنه وکړه
د دوشنبې په ورځ (۱۴۴۵هجري قمري کال د صفرالمظفر میاشتې په ۱۶مه نېټه) د زابل ولایت د شهر صفا ولسوالۍ د ابتدائیه محکمې په هڅو د مقتول کورنۍ یوه قاتل ته بخښنه وکړه.
په یاده پېښه کې یوه باروړونکي موټر چې د نعمت الله په نوم د میدان وردګ ولایت اصلي اوسېدونکي یې موټر چلوونکی و د شهر صفا ولسوالۍ اوسېدونکی عبدالصمد وهلی او شهید کړی و.
د یادو کسانو دوسیه د پېښې له رامنځته کېدو وروسته د شهر صفا ولسوالۍ محکمې ته په رسمي ډول راجع او د یادې محکمې لخوا په غور او دقت وڅېړل شوه.
وروسته د شهرصفا ولسوالۍ د ابتدائیه محکمې په هڅو او د دیني علماء کرامو او قومي مشرانو په منځګړیتوب د مقتول کورنۍ قاتل ته بخښنه وکړه او قضیه په رسمي ډول حل شوه.
د یادونې وړ ده چې د قضیې دواړو لوریو د محکمې له هڅو څخه خوښي څرګنده کړه او د الله (جل جلاله) له ستر دربار څخه یې د لا ښه خدمت کولو د توفیق غوښتنه وکړه او د اسلامي امارت د نظام د بقا او پایښت دعا یې وکړه.
