د پکتیا ولایت د مرافعه محکمې رئيس د ياد ولايت د پنځو ولسوالیو له ابتدائيه محاکمو څخه ليدنه وکړه

د پکتیا ولایت د مرافعه محکمې عمومي رئيس محترم مفتي عبیدالله (خالد)؛ د مدني او عامه امنیت دېوان د رئيس مفتي عبدالله (ديوبندي)، د وثایقو او اسنادو د ثبت او مخزن آمریت قضائي محرر مولوي سیدالرحمن (سعید) او د تحریراتو آمر قاري میرزامحمد (رشیدي) په ملتیا د روان ۱۴۴۶هـ ق کال د جمادی الآخره مياشتې په ۲۶مه او ۲۷مه نېټه د جاني خېلو، ډنډپټان، څمکنيو، لژه منګل او ځاځي آريوب ولسوالیو له ابتدائيه محاکمو څخه لیدنه وکړه.
د مرافعه محکمې رئیس د ليدنې په پیل کې له قضائي غړو او اداري کارکوونکو سره وکتل، له اجراآتو یې څارنه وکړه او مسؤولینو ته په خطاب کې یې وويل، خپلې چارې د الله تعالی د رضا په خاطر د اسلامي امارت د اصولو، لوایحو او طرزالعملونو سره سمې ترسره کړئ، حق حقدار ته وسپارئ او هره موضوع په دقیق او شفاف ډول وڅېړئ، له مراجعینو سره غوره چلند وکړئ او له یو بل سره ښه همغږي ولرئ.
په پای کې یاد پلاوي له ولسوالانو، امنيه قوماندانانو او نورو مسؤولینو سره د همغږۍ ناستې ترسره کړې او په امنیتي او ټولنيزو چارو يې خبرې وکړې.