نیمروز ولایت کې پنځو متهمینو ته تعزیري سزا ورکړل شوه
د یکشنبې په ورځ (۲۰ /۱ /۱۴۴۵ هـ ق) نېټه د نیمروز ولایت د محاکمو د حکم په اساس د دغه ولایت په خاشرود ولسوالۍ کې پنځو کسانو ته د غلا په تور تعزیري سزا ورکړل شوه.
یادو متهمینو ته چې دوسیې یې د خاشرود ولسوالۍ د ابتدائیه محکمې لخوا څېړل شوې وې، د تعزیري سزا د تطبیق په موخه جوړه شوې ناسته کې د محاکمو پر مسؤولینو سربېره د نورو ادارو مسؤولینو، دیني عالمانو، مشرانو، قومي مخورو او عامو هیوادوالو ګډون درلود.
د تعزیري سزا په موخه جوړه شوې ناسته کې د یو شمېر مسؤولینو تر عالمانه ویناوو وورسته د متهمینو د قضیو خلاصه بیان شوه، ورپسې هر متهم ته د محکمې د حکم مطابق تعزیرات تطبیق شول او ناسته د دعا په ویلو سره پای ته ورسېده.
