د کونړ مرافعه محکمې د رئیس په مشرۍ اداري ناسته ترسره شوه
د سه شنبې په ورځ (د ۱۴۴۵ هـ ق کال د محرم د میاشتې په ۱۵مه نېټه) د کونړ ولایت د مرافعه محکمې د رئیس محترم الحاج مولوي عزیز الرحمن «حقاني» په مشرۍ د محاکمو ریاست د غونډو په تالار کې د قضاتو اداري غونډه ترسره شوه .
غونډه د قرآن عظیم الشان د مبارکو آیاتونو په تلاوت پیل شوه؛ ورپسې د مرافعه محکمې رئیس الحاج مولوي عزیز الرحمن حقاني د غونډې په ارتباط او د غونډې په اهمیت تفصیلي خبرې وکړې او قضات یې لا ښه خدمتونو ته وهڅول.
پر دې سربېره د ناستې په اجنډا کې د شاملو لاندې مواردو باندې هراړخیزې خبرې وشوې:
- په قضائي اجراآتو کې سرعت او د موضوعاتو حل وفصل کول د اسلامي شریعت د اصولو مطابق.
- د میاشتني، ربعوار او کلنیو راپورونو صحیح ترتیب او په خپل وخت تسلیمول.
- د میاشتنيو راپورونو ترڅنګ په صحیح ډول د قضایاوو د ثبت فورمونو خانه پري او په خپل وخت تسلیمول.
- حاضرۍ ته پابندي، له مراجعینو سره احسن سلوک ، په اجراآتو کې شفافیت او مراجعینو ته د استانتیاوو برابرول.
چې په ذکر شویو مواردو کې د غونډې ګډونوالو ته جدي لارښوونې، سپارښتنې او هدایات وشول تر څو خپل ورځني کارونه د اسلامي شریعت د اصولو په رڼا کې پرمخ یوسي.
دغه راز د غونډې په دوام د مرافعه، ښاري او ابتدائیه محاکمو رئیسانو په نوبت خپل کلني راپورونه په اجمالي ډول وړاندې کړل او ترڅنګ یې هر یوه د خپلو محاکمو د ضرورتونو په اړه د مرافعه محکمې محترم رئیس صاحب ته خپل وړاندیزونه وړاندې کړل چې هم مهاله ځینو وړانديزونو ته رسېدنه وشوه او پاتې به یې ان شاء الله په راتلونکي کې حل او فصل شي.
یاده ناسته د ښاري محکمې د رئیس محترم مولوي محمد ایوب « قلم » په دعائیه کلماتو سره پای ته ورسېده.
