د کندهار د مرافعه محکمې قضائي پلاوي د شمالي او جنوبي ميوند ولسواليو له ابتدائیه محاکمو ليدنه وکړه
د کندهار ولایت مرافعه محکمې شپږ کسیز قضايي پلاوي چې مشري يې د مرافعه محکمې د نظامي دېوان رئیس محترم مولوي یحیی کوله په ۱۸ /۵ /۱۴۴۵هـ ق نېټه د شمالي او جنوبي میوند ولسوالیو د ابتدائیه محاکمو د قضائي او اداري اجراآتو د لیدنې او ارزونې په موخه يادو ولسوالیو ته سفر وکړ.
دغه پلاوي د شمالي او جنوبي میوند ولسواليو د ابتدائیه محاکمو پر قضائي او اداري چارو سربېره د وثایقو آمریت له اجراآتو لیدنه وکړه، د یادو محاکمو له قضاتو سره يې غونډه وکړه، په غونډه کې يې د دوی ستونزې واورېدې او د ستونزو د حل په موخه يې ورته لازمې لارښوونې وکړې.
د يادې ليدنې په دوام قضائي پلاوي د جنوبي ميوند ولسوالۍ له زندان څخه لیدنه وکړه چې په ياد محبس کې کوم بې سرنوشته بندي شتون نه درلود.
