د کابل ولایت د مرافعه محکمې رئیس د یو پلاوي په مشرۍ د بګرامي او خاکجبار ولسوالیو ابتدائیه محاکمو څخه څارنه وکړه
د ۱۴۴۴ هـ.ق کال د ذوالقعدې د میاشتې په لومړۍ نېټه د کابل ولایت د مرافعې محکمې رئیس محترم مولوي عبدالشکور "رشاد آخندزاده" صاحب په مشرۍ، د مرافعه محکمې تجارتي دېوان رئیس ښاغلي مولوي عبدالله "اسرار" او د مرافعه محکمې د عمومې ریاست تحریراتو مسؤل ښاغلي عنایت الرحمن "صافي" په ګډون د بګرامي او خاکجبار ولسوالیو ابتدائیه محاکمو څخه د نظارت او کنټرول په موخه کتنه وکړ.
په پیل کې یاد پلاوي د بګراميو ولسوالۍ ابتدائیه محکمې ته په ورتک سره د یادې محکمې قضائي او اداري چارې وڅېړلې او نیمګړتیاوي يې ورته په ګوته او د حلېدو په موخه یې بشپړ لارښوونې وکړې؛ وروسته د یادې ولسوالۍ د محکمې په ریاست کې د محکمې مسلکي او اداري غړي، د ولسوالۍ مسؤلین، د امنیتي چارو مشرتابه، د حقوقو مدیر، د امر بالمعروف او نهی عن المنکر مسؤلین او د زراعت مسؤل په ګډون همغږۍ غونډه تر سره شوه.
لومړی ښاغلي رشاد صاحب د غونډې ګډون والو ته په خطاب سره وویل: اوس الحمد لله په ټول افغانستان کې اسلامي نظام قائم دی او دا ویاړ په ډېرو کړاوونو لاس ته راغلی دی، نور موږ ټول باید د نظام په قائم ساتلو کې خپله پوره هڅه وکړو، کوم مسؤلیتونه چې موږ ته سپارل شوي په ښه توګه یې ترسره کړو، کومې ادارې چې د بګرامیو ولسوالۍ پورې مربوط دي باید خپل منځ کې پوره همغږي ولري تر څو خپلو چارو کې بریالي اوسي .
ورپسې د ولسوالۍ مسؤل او امنیتي چارو مسؤلین د مرافعه محکمې ښاغلو پلاوو ته د ښه راغلاست وروسته د دوی د راتګ هرکلی وکړ او زیاته يې کړل، چې الحمد لله د بګرامیو ولسوالۍ ټول مربوطه ادارې د یو بل سره ښې اړیکې لري او په ښه همغږي سره خپلې چارې ترسره کوي.
په پای کې د محکمې او حقوقو مدیریت ښاغلو کارمندانو د کارونو د ډېروالي او د کارمندانو د کموالي په هکله ښاغلي رشاد صاحب ته یادونه وکړ او د ښاغلي رشاد صاحب لخوا د دوی د ستونزو د حلېدو په هکله ډاډګېرنه ورکړل شوه.
ياد پلاوي د بګرامیو ولسوالۍ څخه وروسته د خاکجبار ولسوالۍ ابتدائیه محکمې ته ورغلل او د یادې محکمې قضائي او اداري چارو د څېړلو وروسته د موجوده ستونزو د حلېدو لپاره بشپړې لارښوونې وکړې.
