د کابل ولایت د محاکمو د رئیسانو  ترمنځ د همغږۍ غونډه ترسره شوه

m_admin
یکشنبه ۱۴۰۱/۱۱/۲ - ۱۱:۳۱
د کابل ولایت د محاکمو د رئیسانو  ترمنځ د همغږۍ غونډه ترسره شوه

د کابل ولایت د محاکمو رئیسانو او مسؤولینو په ۱۶ /۶ /۱۴۴۴ هـ ق نېټه د مرافعه محکمې د غونډو په تالار کې د هغږۍ میاشتنۍ غونډه ترسره کړه.

په یاده غونډه کې چې د مرافعه محکمې د رئیس محترم مولوي عبدالغفار (رحماني) په مشرۍ جوړه شوې وه، د مرافعه محکمې د دېوانونو، د ښاري محاکمو د څلورو زونونو او دېوانونو، د ولسوالیو محاکمو رئیسانو او د وثایقو د شپږو حوزو آمرینو ګډون کړی و.

غونډه د کلام الله د څو مبارکو آیاتونو په تلاوت پیل شوه؛ ورپسې محترم مولوي عبدالغفار (رحماني) د غونډې ګډونوالو ته ښه راغلاست ووایه او خوښي څرګنده کړه چې له خپلو همکارانو سره د همغږۍ ناسته کوي.

ښاغلي رحماني له یو بل سره د تجربو شریکول، د ستونزو په ګوته کول او هغوی ته د حللارې موندل، دوسیو ته د رسېدنې په موخه د چټکې او اصولي لارې موندل، د کارکوونکو مناسبه اندازه معلومول او د وسایلو د ډېروالي او کمښت مشخص کول د دې ناستې عمده موخې وبللې.

نوموړي غوښتنه وکړه، په یاده ناسته کې چې میاشت کې یو ځل  ترسره کیږي باید د کابل ولایت اړوند محاکمو ټول رئیسان ګډون وکړي؛ تر څو د ریاست مقام او اړوند محاکمو ترمنځ  ښه همږغي رامنځته شي.  

وروسته د محاکمو رئیسانو په نوبت خپل وړاندیزونه او نظرونه شریک کړل.

د کابل د استیناف محکمې رئیس ښاغلي رحماني په ترتیب سره هرې غوښتنې ته ځواب ورکړ وویل، هغه محاکم چې تشکیلات او وسایل یې کم دي، مرافعه محکمې ته دې خپل وړاندیزونه وکړي، موږ به یې د سترې محکمې له عالي مقام سره شریک کړو.

یاده غونډه د دعاء په ویلو سره پای ته ورسېده.

 

تازه خبرونه

یکشنبه ۱۴۰۱/۱۱/۹ - ۱۴:۰
Background image

د میدان وردګ ولایت محاکمو په تېره یوه میاشت کې د ۱۴۷ دوسیو پر حل او فصل سربېره ۱۳۸ وثایق هم اجراء کړي دي

له ۱ /۶ /۱۴۴۴ څخه تر ۳۰ /۶ /۱۴۴۴ هـ ق نېټې د میدان وردګ ولایت د محاکمو د دوسیو او وثایقو توحیدي راپور

په دغه راپور کې د میدان وردګ ولایت د مرافعه محکمې، د ښاري ابتدائیه محکمې او. . .

یکشنبه ۱۴۰۱/۱۱/۹ - ۱۱:۱۴
Background image

د پکتيکا ولايت د استيناف محکمې رئیس له څلورو ابتدائیه  محاکموڅخه ليدنه وکړه

د پکتيکا ولايت د استيناف محکمې د رئیس په مشرۍ یوه پلاوي له ماتحت محاکمو څخه د ليدنو په دوام داځل په ۶ /۷ ۱۴۴۴ هـ ق نېټه د یاد ولايت د يوسف خيلو، جانخیلو، يحي خيلو او خيرکوټ ولسواليو له . . .

یکشنبه ۱۴۰۱/۱۱/۹ - ۱۱:۷
Background image

سترې محکمې ته د عدلیې وزارت اړوند د مرکزي حقوقو ریاست د انتقال لړۍ پیل شوه

 پرون د شنبې په ورځ  (د روان هجري قمري کال د رجب المرجب میاشتې ۶مه نېټه) سترې محکمې ته د عدلیې وزارت اړوند حقوقو ریاست د انتقال په اړه د افغانستان اسلامي امارت د مشرتابه محترم مقام د ۴. . .

بیا په خبرونو کی