د کابل د حقوقو ریاست په یوه اونۍ کې (۱۵۴) عرض پاڼو ته پر رسېدنې سربېره (۲۱) جلده دوسیې په مدعی بها باندې تطبیق کړې دي
د کابل ولایت د حقوقو ریاست د یوې اونۍ (له ۱۱ /۱ /۱۴۴۵ هـ ق څخه تر ۱۷ /۱ /۱۴۴۵ هـ ق) نېټې د اجراآتو راپور په لاندې ډول شریک شوی دی:
د عرض پاڼو برخه کې:
د کابل ولایت د حقوقو ریاست ته د یوې اونۍ په جریان کې ۷۴۷ حقوقي عرض پاڼې راجع شوې دي، له دې ډلې ۱۵ عریضې په اصلاحي توګه حل او فصل شوې، ۱۳۹ عرض پاڼې د لازمو اجراآتو په موخه اړوندو ادارو او مراجعو ته استول شوې او پاتې نورې تر کار لاندې دي.
د دوسیو برخه کې:
د کابل ولایت د حقوقو ریاست ته د یوې اونۍ په جریان کې ۳۵۲ دوسیې راجع شوې دي، له دې ډلې ۲۱ دوسیې په مدعی بها باندې تطبیق شوې، ۵۹ دوسیې د شرعي حل او فصل په موخه اړوند ادارو ته استول شوې او پاتې نورې تر کار لاندې دي.
