په ميدان وردګ ولايت کې څلورو متهمينو ته تعزیري سزا ورکړل شوه
د ميدان وردګ ولايت جلريز ولسوالۍ ابتدائیه محکمې د پرېکړې له مخې څلورو کسانو ته چې پر غلا متهم وو؛ په ۹/ ۱۰/ ۱۴۴۶ هـ ق نېټه تعزیري سزا ورکړل شوه.
ابتدائيه محکمې د متهمينو له ډلې دوه تنه پر دوه ـ دوه کاله تنفيذي بند او ۲۵ ـ ۲۵ دُرو، درېيم متهم پر درې کاله او شپږ مياشتې تنفيذي بند او ۲۵ دُرو او څلورم متهم پر دوه کاله او اته مياشتې تنفيذي بند او ۲۵ دُرو تعزیري سزا محکوم کړی و.
په دې موخه جوړه شوې غونډه کې د یادې ولسوالۍ ابتدائيه محکمې رئیس مفتي رحمت الله (نعماني) او د يو شمېر نورو امارتي ادارو استازو د تعزیري سزا د تطبيق پر اهميت، ارزښت او ګټو هر اړخيزې ويناوې وکړې.
غونډه د تعزیري سزا له تطبيق وروسته د دعا په ويلو پای ته ورسېده.
