د قضائیه قوې د محاکمو امنیتي او اجرائیوي چارو عمومي ریاست اړوند څلور کسیز پلاوي د مرکزي زون د نظامي محاکمو د امنیتي او اجرائیوي قطعاتو له چارو لیدنه او څارنه وکړه
د قضائیه قوې د محاکمو امنیتي او اجرائیوي چارو عمومي ریاست اړوند څلور کسیز پلاوي د نظامي محاکمو د امنیتي او اجرائیوي قطعاتو عمومي قوماندان حافظ حکمت الله (ذهین) په مشرۍ د روان۱۴۴۶هــ ق کال د شعبان المعظم میاشتې په ۶مـه نېټه د مرکزي زون د نظامي محاکمو امنیتي او اجرائیوي قطعاتو له چارو لیدنه او څارنه وکړه.
یاد پلاوي په دغه لیدنه کې د عالیقدر امیرالمؤمنین (حفظه الله) د فرمانونو، د ریاست الوزراء محترم مقام او سترې محکمې عالي مقام د هدایاتو د تطبیق، د مجاهدینو له تعیناتو، اداري او امنیتي چارو، د تلاشۍ له بهیر، اکمال او توزېع، د پرسونل له حاضرۍ، ۲۴ ساعته نوکریوالۍ د تطبیق، د پیره دارۍ له ځایونو او نورو اړوند مواردو څخه کنټرول او څارنه وکړه.
دغه راز یاد پلاوي مجاهدینو ته د صورت او سیرت د اصلاح، پر نبوي سنتو د ځان برابرولو، په جماعت سره د لمانځه ادا کولو او خپلو دندو ته د پاملرنې په برخه کې د لازمو لارښوونو او سپارښتنو تر څنګ دوی د اسلامي نظام استحکام او په همدې لار کې د هر ډول ستړیا او خوارۍ زغملو ته وهڅول او په راتلونکي کې د لا ښه خدمت کولو په موخه ځینې مشورې ورکړل شوې.
