په خوست ولایت کې دوو مجرمينو ته تعزیري سزا ورکړل شوه
د خوست ولایت د ښاري ابتدائیه محکمې د عامه امنيت دېوان د پرېکړې له مخې دوو کسانو ته د نشهيي توکو د خرڅلاو په جرم؛ په ۶/ ۱۲/ ۱۴۴۶ هـ ق نېټه تعزیري سزا ورکړل شوه.
امنيت عامه دېوان یاد مجرمين پر دوه ـ دوه کاله او اته ـ اته میاشتو تنفيذي بند او ۳۵ـ ۳۹ دُرو تعزیري سزا محکوم کړي وو؛ چې یاده پرېکړه د سترې محکمې عالي مقام له تائيد وروسته پر مجرمينو تطبيق شوه.
په دې موخه جوړه شوې غونډه کې د خوست ولايت د محاکمو قضائي او نظامي منسوبینو، د علماوو شورا رئیس شیخ انور حسین (حسیني) او عامو هېوادوالو ګډون درلود.
غونډه د تعزیري سزا حکم له تطبيق وروسته د علماوو شورا رئيس لخوا د دعا په ویلو پای ته ورسېده.
