د خوست ولایت مرافعه محکمې رئیس د جزا او عامه امنیت دېوانونو څخه لیدنه وکړه
د خوست ولایت د مرافعه محکمې عمومي رئیس محترم مفتي امین الله (منیب)؛ د یادې محکمې د تحریراتو آمر امین الله (حنفي) په ملتیا په ۱۶/ ۹/ ۱۴۴۶هـ ق نېټه د مرافعه محکمې د جزا او امنیت عامه دېوانونو څخه لیدنه وکړه.
د مرافعه محکمې پلاوي په دې لیدنه کې د یادو دېوانونو له رئيسانو، مفتیانو او محررینو سره وکتل، د هغوی له اجراآتو څخه یې لیدنه وکړه، قضائي منسوبینو ته د مرافعه محکمې د رئيس لخوا لازمې سپارښتنې وشوې.
د ليدنې په دوام د مرافعه محکمې رئیس وويل، خپلې چارې د الله تعالی د رضا په خاطر د اسلامي امارت د اصولو، لوایحو او طرزالعملونو سره سمې ترسره کړئ، حق حقدار ته وسپارئ او هره موضوع په دقیق او شفاف ډول وڅېړئ.
د مرافعه محکمې رئيس زیاته کړه، له مراجعینو سره غوره چلند وکړئ او د اړوند ادارو له مسؤولینو سره د اصولو سره سم په ښه تفاهم چلند وکړئ.
