د بلخ ولايت محاکمو په دوو اونيو کې د (۴۰۶) دوسیو پر حل او فصل سربېره (۳۳۳) وثیقې هم اجرا کړې دي
د بلخ ولايت مرافعه محکمې، وثايقو، ښاري ابتداٸيه محکمې، د زون نظامي محکمې او د ټولو ولسواليو ابتداٸيه محاکمو په دوو اونيوو کې له (۲۷/ ۴/ ۱۴۴۵هـ ق نېټې څخه تر ۹/ ۵/ ۱۴۴۵ هـ ق) نېټې د (۴۰۶) دوسيو پر حل او فصل سربېره، (۳۳۳) وثيقې هم اجرا کړې دي، چې جزئيات يې په لاندې ډول دي:
په حقوقي برخه کې:
د بلخ ولایت محاکمو ته په دوو اونيوو کې (۲۴۷) حقوقي دوسیې واردې شوې، په داسې حال کې چې مخکې هم یو شمېر دوسیې موجودې وې.
له دې جملې څخه (۵۶) دوسیې فیصله شوې، (۲۱) دوسیې مکتوبي مستردې شوې، د (۱۵۳) دوسیو په اړه قضائي قرارونه صادر شوي او پاتې دوسيې تر کار لاندې دي.
په جزائي برخه کې:
د بلخ ولایت محاکمو ته په دوو اونيوو کې (۱۵۷) جزائي دوسیې واردې شوې، په داسې حال کې چې مخکې هم یو شمېر دوسیې موجودې وې.
له دې جملې څخه (۷۳) دوسیې فیصله شوې، (۱۶) دوسیې مکتوبي مستردې شوې، د (۸۷) دوسیو په تړاو قضائي قرارونه صادر شوي او پاتې دوسيې تر کار لاندې دي.
د وثيقو برخه کې:
د بلخ ولايت محاکمو په دوو اونيو کې (۳۳۳) بېلا بېلې وثيقې هم اجرا کړې دي.
