د هلمند ولايت د مرافعه محکمې اداري غونډه ترسره شوه
د ١٤٤٥ هـ ق د ربيع الاول مياشتې په ١٦مه نېټه د هلمند ولایت د مرافعه محکمې ریاست په مقام کې د يادې محکمې د عمومي رئیس محترم مولوي محمد نبي (حماس) په مشرۍ اداري غونډه ترسره شوه.
په دې اداري غونډه کې د مرافعه محکمې د ټولو دېوانونو رئیسانو، ښاري ابتدائیه محکمې رئیس، د ښاري ابتدائیه محکمې د ټولو دېوانونو رئیسانو، عمومي مرکزي لوي محبس مسؤل او د تحریرات عمومي آمر ګډون درلود. ياده غونډه د قرآن کریم د څو مبارکو ایتونو په تلاوت پیل شوه، ورپسې محترم مولوي محمد نبي (حماس) د غونډې اجنډا ګډونوالو ته بیان کړه، چې په اجنډا کې شامل موضوعات د بندیانو راتګ محکمې ته هغه بندیان چې د ابتدائیه محاکمو مربوط وي، د قضائي پلاوي ټاکل، د بندیانو انتقال بل ولایت ته، د بندیانو ملاقات، د خوراکي توکواو نورو اجناسو پرېښودل بندیانو ته او په يو شمېر نورو موضوعاتو بحث ترسره شو او غونډه د دعائیې په لوستلو سره ته پاى ورسېده.
