د کندهار ولایت محاکمو په دوو اونیو کې د (۳۷۷) دوسیو پر حل او فصل سربېره (۱۹۶) وثیقې هم اجرا کړې دي
په دغه راپور کې له ۱ /۱ /۱۴۴۵ هـ ق څخه تر ۱۵ /۱ /۱۴۴۵ هـ ق نېټې پورې د کندهار ولایت د مرافعه محکمې، ښاري ابتدائیه محکمې، د کندهار زون نظامي محکمې او د ولسوالیو د ابتدائیه محاکمو حقوقي او جزائي اجراآت شامل دي.
مرافعه محکمه:
د محرم الحرام میاشتې په لومړیو دوو اونیو کې د کندهار ولایت د مرافعه محکمې دېوانونو ته (۵۴) قضیې واردې شوې دي؛ په داسې حال کې چې مخکې هم یو شمېر دوسیې موجودې وې.
له دې ډلې (۱۹) قضیې مکتوبي مستردې شوې، د (۲۸) قضیو په اړه قضائي قرارونه صادر شوي، (۷) قضیې فیصله شوې او پاتې نورې تر کار لاندې دي.
ښاري ابتدائیه محکمه:
د محرم الحرام میاشتې په لومړیو دوو اونیو کې د کندهار ولایت د ښاري محکمې دېوانونو ته (۱۵۱)قضیې واردې شوې دي؛ په داسې حال کې چې مخکې هم یو شمېر دوسیې موجودې وې.
له دې جملې څخه ( ۶) قضیې مکتوبي مستردې شوې، د (۸۳)قضیو په اړه قضائي قرارونه صادر شوي، (۷۶) قضیې فیصله شوې او پاتې نورې تر کار لاندې دي.
دکندهار نظامي زون محکمه:
د محرم الحرام میاشتې په لومړیو دوو اونیو کې د کندهار زون نظامي محکمې ته (۲۰) قضیې واردې شوې دي؛ په داسې حال کې چې مخکې هم یو شمېر دوسیې موجودې وې.
له دې جملې څخه د (۲۱)قضيو په اړه قضائي قرارونه صادر شوي، (۸) قضيې فیصله شوې او پاتې تر کار لاندې دي.
د ولسوالیو ابتدائیه محاکم:
د محرم الحرام میاشتې په لومړیو دوو اونیو کې د کندهار ولایت د ولسوالیو ابتدائیه محاکمو ته (۲۸۳)قضيې واردې شوې دي؛ په داسې حال کې چې یو شمېر قضیې له مخکې هم موجودې وې.
له دې جملې څخه (۱۹)قضیې مکتوبي مستردې شوې، د (۵۲) قضیو په اړه قضائي قرارونه صادر شوي، (۵۸) قضیې فیصله شوې پاتې نورې تر کار لاندې دي.
د وثایقو برخه کې:
په یاده موده چې د کندهار ولایت د محاکمو اړوند د اسنادو او وثایقو امریتونو (۱۹۶) بېلا بېلې وثیقې هم اجرا کړې دي.
