د لغمان ولایت قرغهيي ولسوالۍ ابتدائیه محکمې مسؤولينو په هڅو د قتل موضوع حل شوه
د لغمان ولایت د قرغهيي ولسوالۍ ابتدائیه محکمې رئیس مولوي جمال الدین (حقاني) په هڅو؛ د مصلحينو په منځګړیتوب، په ۱۷/ ۱۲/ ۱۴۴۷ هـ ق نېټه د قتل موضوع د سولې له لارې حل او فصل شوه.
یاده موضوع د قرغهيي ولسوالۍ د (ډهانډر) په کلي کې په ۱۳۹۸هـ ش کال رامنځته شوې وه او يو کس په کې وژل شوی و.
دغه موضوع ابتدائیه محکمې ته تر راجع کېدو وروسته په غور او دقت وڅېړل شوه، د مقتول کورنۍ سولې ته وهڅول شوه، دوی هم ومنله او موضوع يې رسماً پای ته ورسېده.
