د کابل ولایت مرافعه محکمې رئيس د ياد ولايت د څلورو ولسواليو له ابتدائيه محاکمو څخه ليدنه وکړه
د کابل ولایت د مرافعه محکمې عمومي رئيس محترم مفتي ذبیح الله (ساجد)؛ د مالي مدیر قاري عبیدالله (عابد) په ملتیا د روان ۱۴۴۶هـ ق کال د رجب المرجب مياشتې په لومړۍ، ۵ مه او ۷ مه نېټه د ده سبز، خاکجبار، بګرامي او چهارآسياب ولسوالیو له ابتدائیه محاکمو او د حقوقو له مدیریتونو څخه لیدنه وکړه.
د ليدنې په پيل کې د مرافعه محکمې رئيس د یادو محاکمو او حقوقو مديريتونو له قضائي غړو او اداري کارکوونکو سره وکتل او دوی ته يې په خطاب کې وويل، له مراجعينو سره غوره چلند کوئ، کارونه مو په خپل وخت ترسره کوئ او ترمنځ مو همغږي پياوړې کړئ.
دغه راز د مرافعه محکمه رئيس د وثیقو له کنده جاتو، د واردې او صادرې کتابونو، د اندراج جزائي او حقوقي کتابونو او د رسېداتو له کتابونو څخه لیدنه وکړه.
د لیدنې په وروستيو کې د یادو محاکمو اړتیاوې واورېدل شوې او د یادو اړتياوو د پوره کولو ډاډ ورکړل شو.
