د کونړ ولايت د مرافعه محکمې رئیس په مشرۍ اداري غونډه وشوه

د کونړ ولايت د مرافعه محکمې محترم رئیس مولوي محمد ایوب (قلم) په مشرۍ، د دېوانونو رئیسانو او د حقوقو مدیرانو په ګډون په ۲۶ /۵ /۱۴۴۶هـ ق نېټه اداري غونډه وشوه.
غونډه د قرآنکريم د څو مبارکو آیاتونو په تلاوت پيل شوه؛ ورپسې د مرافعه محکمې رئیس د غونډې په ارزښت، له مراجعینو سره په غوره چلند، حاضرۍ ته پر پابندۍ او د دوسیو په تړاو په ټاکلي وخت او په غور سره اجراآت کولو خبرې وکړې وویل، عرایض باید د عریضې په شرایطو برابر وي، مبهم عرایض باید تسلیم نشي؛ بلکې عارض ته یې د اصلاح لارښوونه وشي، د وثایقو په ترتیب او تحریر کې باید د املاء او انشاء خیال وساتل شي او په اجراآتو کې د قلم خوردګۍ څخه باید ډډه وشي، محاکم باید د نورو ادارو سره بیا په ځانګړې توګه له نظامي ارګانونو سره ښه همغږي ولري.
د مرافعه محکمې رئيس زیاته کړه، د سترې محکمې عالي مقام څخه صادر شوي متحدالمآلونه باید په دقت سره ولوستل شي، په خپلو ورځنیو چارو کې ترې ګټه پورته شي او د هغې مطابق اجراآت وشي.