د پکتيا د مرافعه محکمې رئيس په هڅو د دوو کورنيو ترمنځ رامنځته شوې د قتل موضوع حل شوه
![د پکتيا د مرافعه محکمې رئيس په هڅو د دوو کورنيو ترمنځ رامنځته شوې د قتل موضوع حل شوه](/sites/default/files/2024-08/whatsapp_image_2024-08-29_at_12.06.59_am.jpeg)
د پکتيا ولايت د مرافعه محکمې عمومي رئيس الحاج مفتي عبیدالله (خالد) په ډېرو هڅو د قومي مشرانو په منځګړيتوب د ياد ولايت په زرمت ولسوالۍ کې د دوو کورنيو ترمنځ رامنځته شوې د قتل موضوع حل او د دواړو کورنيو ترمنځ سوله وشوه.
دغه د قتل پر سر رامنځته شوې جزائي دوسيه د زرمت ولسوالۍ د ابتدائيه محکمې له لومړنيو اجراآتو وروسته د استینافي غور او څېړنې په موخه د مرافعه محکمې د جزا دېوان ته محول شوې وه؛ چې د مرافعه محکمې د عمومي رئيس او د جزا دېوان رئيس مولوي واحدالله (صدیقي) په ډېرو هڅو جانبین سولې ته راضي شول.
د قتل د یادې موضوع طرفینو د زرمت ولسوالۍ د جهادي ډلګۍ مشرانو، علماء کرامو، مخورو او سپين ږیرو په حضور کې سوله وکړه او دښمني يې په رسمي ډول پای ته ورسېده.