د دعوت او ارشاد مسؤولینو د هېواد ټولو ولايتونو ته د اړوندې برخې د آمرينو د ټاکلو په موخه سفرونه پيل کړې
د سترې محکمې د دعوت او ارشاد رياست رئيس محترم حافظ مولوي عبدالعزيز (ميوندي) او د یاد رياست مدرس مولوي عبدالمالک (انقیادي) په ۲۳/ ۱/ ۱۴۴۶ هـ ق نېټه د هېواد ټولو ولايتونو ته د دعوت او ارشاد رياست اړونده آمرينو د ټاکلو په موخه سفرونه پيل کړې دي.
د دعوت او ارشاد رياست مسؤولینو د يادو سفرونو موخه په ټولو ولايتونو کې د دعوت او ارشاد اړونده برخې د آمرينو ټاکل دي.
همداراز د هېواد په ټولو محاکمو کې د يادو آمرينو له ټاکلو څخه بله مهمه موخه د دعوت او ارشاد رياست د برنامې او تدريسي چارو په ښه ډول د محاکمو کارکوونکو ته رسول، د منکراتو مخنيوی او د اسلامي او شرعي امورو رسول دي.
