بامیان ولایت کې د محکمې په حکم ۱۳ متهمینو او مجرمینو ته تعزیري سزا ورکړل شوه
نن چهارشنبه د روان ۱۴۴۵ هـ ق کال د شعبان المعظم میاشتې په درېیمه نېټه د بامیان ولایت په مرکز کې د محاکمو په حکم د پنځو ښځو په ګډون ۱۳ متهمینو او مجرمینو ته تعزیري سزا ورکړل شوه.
د یادو کسانو له ډلې پنځه متهمین د بامیان ولایت د ښاري ابتدائیه محکمې د جزا دېوان لخوا د زنا او نامشروع اړیکو په تور [هر متهم پر دوه کاله تنفیذي بند او (۳۹) دُرو تعزیري سزا]، څلور کسان له کوره د تېښتې په جرم [هر کس پر یوه کال تنفیذي بند او (۳۹) دُرو تعزیري سزا]، دوه کسان د قتل په اقدام او د یوه موټر د غصب په جرم [هر مجرم په اووه کاله تنفیذي بند او (۳۹) دُرو تعزیري سزا] او دغه راز دوه کسان د نامشروع اړیکو په تور [هر متهم په یو کابل تنفیذي بند او (۳۰) دُرو تعزیري] سزا محکوم شوي وو.
د بامیان ولایت د ښاري ابتدائیه محکمې د جزا دېوان دغه پرېکړې د سترې محکمې د عالي مقام د مرکزي تمیز ریاست اړوند جزا دېوان لخوا تر تائید وروسته نن پر متهمینو او مجرمینو تطبیق شوې.
