د پکتیکا محاکمو په یوه میاشت کې د (۱۴۹) دوسیو پر حل او فصل سربېره (۱۰۶) وثیقې هم اجرا کړې دي
د پکتیکا ولایت د مرافعه محکمې دېوانونو، د اسنادو او وثایقو د ثبت امریت، د ښاري محکمې دېوانونو او ټولو ابتدائیه محاکمو د روان ۱۴۴۵ هـ ق کال د محرم الحرام میاشتې د اجراآتو راپور په لاندې ډول شریک شوی دی:
په حقوقي برخه کې:
په محرم الحرام میاشت کې د پکتیکا ولایت محاکمو ته په مجموعي ډول (۲۱۰) حقوقي قضیې راجع شوې دي؛ په داسې حال کې چې مخکې هم یوشمېر دوسیې تر کار لاندې وې.
له دې جملې څخه (۲۲) دوسیې مکتوبي مستردې شوې، د (۲۰) دوسیو په اړه قضائي قرارونه صادر شوي،(۳۵) دوسیې فیصله شږې او (۱۳) دوسیې په سوله او ابراء سره حل شوې دي، پاتې دوسیې ترکارلاندې دي.
په جزائي برخه کې:
په محرم الحرام میاشت کې د پکتیکا ولایت محاکمو ته په مجموعي ډول (۷۶)جزائي قضیې محاکمو ته راجع شوې دي؛ په داسې حال کې چې مخکې هم یو شمېر دوسیې تر کار لاندې وې.
له دې جملې څخه (۴)دوسیې مکتوبي مستردې شوې، د (۱۹) دوسیو په اړه قضائي قرارونه صادر شوي، (۲۲) دوسیې فیصله شوې، (۷)دوسیې د سولې او ابراء په وسیله حل شوې او پاتې نورې تر جریان لاندې دي.
دغه راز په یاده موده کې (۱۰۶) بېلا، بېلې وثیقې هم اجراء شوې دي.
