د فراه محاکمو په دوو اونیو کې د (۱۵۱) دوسیو پر حل او فصل سربېره (۲۲۲) وثیقې هم اجرا کړې دي
په دغه راپور کې له ۱۴۴۴/۱۱/۷ هـ ق نېټې څخه تر ۱۴۴۴/۱۱/۱۹هـ ق نېټې د فراه ولایت د مرافعه محکمې، ښاري ابتدائیه محکمې او د ولسوالیو د ابتدائیه محاکمو حقوقي او جزائي اجراآت شامل دي.
په حقوقي برخه کې:
په تېرو دوو اونیو کې د فراه ولایت محاکمو ته (۶۵) حقوقي دوسیې راجع شوې دي؛ په داسې حال کې چې مخکې هم یو شمېر دوسیې موجودې او تر دوران لاندې وې.
له دې ډلې (۲) دوسیې مکتوبي مستردې شوې، د (۵) دوسیو په اړه قضائي قرار صادر شوي، (۲۷) فیصله شوې او پاته نورې دوسیې تر کار لاندې دي.
په جزائي برخه کې:
په تېرو دوو اونیو کې د فراه ولایت محاکمو ته (۱۵۷) جزائي دوسیې راجع شوې؛ په داسې حال کې چې مخکې هم یو شمېر دوسیې موجودې او تر دوران لاندې وې.
له دی جملې څخه (۲) دوسیې مکتوبي مستردې شوې، د (۳۲) دوسیو په اړه قضائي قرار صادر شوي، (۸۳) فیصله شوې او پاته نورې تر کار لاندې دي.
دغه راز په یاده موده کې (۲۲۲) بېلا، بېلې وثیقې هم اجرا شوې دي.
