د ننګرهار ولایت مرافعه محکمې جزا دېوان په هڅو د قتل موضوع د سولې له لارې حل شوه
د ننګرهار ولایت مرافعه محکمې جزا دېوان د مسؤولینو د پرلهپسې هڅو؛ د علماوو، قومي مشرانو او سپینږیرو د منځګړیتوب په پایله کې د قتل هغه قضیه چې درې کاله مخکې رامنځته شوې وه، په ۲۵/ ۹/ ۱۴۴۷هـ ق د سولې او تفاهم له لارې حل او فصل شوه.
یاده پېښه د ننګرهار ولایت په مرکز کې د دوو قومونو تر منځ د جنجال له امله رامنځته شوې وه؛ چې په پایله کې یې یو تن وژل شوی و.
موضوع د څېړنې او قانوني تعقیب لپاره د مرافعه محکمې جزا دېوان ته راجع شوه او د مسؤولینو له لوري په غور او دقت وڅېړل شوه.
وروسته د محکمې د مسؤولینو په هڅو، د سیمې د علماوو، قومي مشرانو او سپینږیرو په منځګړیتوب څو ځله د دواړو لوریو تر منځ د روغې جوړې لپاره ناستې ترسره شوې.
په پایله کې دواړه لوري سولې ته چمتو شول او موضوع د مصلحینو په حضور کې د تفاهم له لارې حل شوه.
د جوړجاړي پر مهال د مقتول وارثینو د قاتل لوري ته ابراء ورکړه او له هر ډول دعوې او تاوان څخه تېر شول، چې ورسره قضیه په رسمي ډول پای ته ورسېده.
د سیمې اوسېدونکو د مرافعه محکمې د مسؤولینو او مصلحینو هڅې وستایلې او دا یې د شخړو د سولهییز حل او د ټولنیز ثبات د ټینګښت په برخه کې یو مثبت ګام وباله.
