د بدخشان ولایت نظامي محکمې مسؤولینو په هڅو د قتل موضوع حل او فصل شول
د بدخشان ولایت نظامي ابتدائيه محکمې د رئيس محترم شیخ عبدالباري (صالحي) په ډېرو هڅو، قومي مشرانو او سپينږیرو په منځګړیتوب، د ځمکې پر سر رامنځته شوې د عمدي قتل موضوع، په ۱۵/ ۹/ ۱۴۴۷ هـ ق نېټه حل او فصل شوه.
یاده موضوع د ځمکې پر سر رامنځته شوې وه او يو تن په کې وژل شوی و، چې نظامي محکمې ته تر راجع کېدو وروسته په غور او دقت وڅېړل شوه؛ د موضوع طرفین سولې ته وهڅول شول او دوی هم ومنله.
د قاتل لخوا د مقتول وارثينو ته په مصالحه کې همغه د دعوې ځمکه ورکړل شوه؛ قاتل ته بخښنه وشوه او موضوع يې رسماً پای ته ورسېده.
