د هرات ولايت مرافعه محکمې رئيس په مشرۍ د رؤیت هلال هيئت د غړو ترمنځ د همغږۍ غونډه وشوه
د هرات ولایت د مرافعه محکمې عمومي رئیس محترم مولوي علي گل (حمیدي) په مشرۍ؛ د یاد ولایت د نظامي محکمې، امربالمعروف، نهی عن المنکر او شکایاتو د اورېدو، د علماوو شورا، حج او اوقافو او پوهنې ریاستونو د استازو په ګډون، په ۲۷ /۴ /۱۴۴۷۸هـ ق نېټه د همغږۍ غونډه وشوه.
د غونډې په پيل کې د مرافعه محکمې رئيس د رؤیت هلال هیئت ټولو راغلو غړو ته ښه راغلاست ووایه او د سترې محکمې د (۸ /۴ /۱۴۴۸هـ ق) نېټې (۵۴۷/ ۳۸۲) ګڼه متحدالمآل يې تشرېح کړ.
نوموړي ټینګار وکړ، چې د رؤیت هلال هیئت ټول غړي باید د دغه هیئت په میاشتنیو ناستو کې ګډون وکړي او ټول دې دغه برخې ته جدي توجه وکړي.
محترم مولوی علي گل (حمیدي) د رؤیت هلال هیئت ټولو غړو ته وویل، چې تاسې باید د ولسوالۍ د رؤیت هلال هیئت ته جدي ټینګار وکړئ، چې په هره میاشت کې باید د دغه هیئت په ناستو کې ګډون ولري.
په پای کې د رؤیت هلال هیئت ټولو غړو ژمنه وکړه، چې ستاسې ټولې سپارښتنې به عملي کوو او پر خپل وخت به د رؤیت هلال هيئت په ناستو کې ګډون کوو.
غونډه د علماوو شورا د استازي لهخوا د دعاء په ویلو پای ته ورسېده.
