د غزني ولايت مرافعه محکمې رئيس په مشرۍ غونډه وشوه

د غزني ولايت مرافعه محکمې رئیس الحاج مفتي عزیزالله (حیدري) په مشرۍ، د ښاري ابتدائیه محکمې رئيس، د مرافعه او ښاري ابتدائیه محاکمو د دېوانونو رئيسانو په ګډون، په ۲/ ۱۱/ ۱۴۴۷ هـ ق نېټه قضائي غونډه وشوه.
غونډه د مرافعه محکمې د تحریراتو آمر مولوي رحمت الله (منیب) لخوا د قرآنکریم د څو مبارکو آیاتونو په تلاوت پيل شوه؛ ورپسې د مرافعه محکمې رئیس ګډونوالو ته ښه راغلاست ووايه او د غونډې اجنډا يې بیان کړه.
د مرافعه محکمې رئيس د لاندې موضوعاتو په اړه لازم هدایات او سپارښتنې وکړې:
۱ـ د احصائيې ریاست ته د اجرا شویو وثایقو په اړه معلومات ورکول.
۲ـ د دعوی طرفینو ته د فیصلې کاپي ورکول.
۳ـ د مرافعه محکمې لخوا د احکامو او فرامينو د تعقیب او نظارت ریاست ته د هغه فیصلو نص الحکم لېږل، چې محکوم، محکوم له، محکوم به او محکوم علیه په کې واضح شوي وي.
۴ـ په ټاکلي وخت د فیصلو صادرول.
۵ـ د شاهدانو د شاهدۍ پاڼې سمول.
۶ـ ډېر زیات تحقیق په هغه فیصلو کې چې بناء په اقرار وي.
۷ـ قضایای امارت ته د عام او ځانګړي وکالت د وثیقې ترتیب.
د غونډې په وروستيو کې د مرافعه محکمې رئیس لخوا د ګډونوالو پوښتنو ته ځوابونه وویل شول.
غونډه په اختتامیه دعاء سره پای ته ورسېده.