د عالیقدر امیرالمؤمنین (حفظهالله تعالی) د حکم په اساس، د مرافعه غوښتنې موده یوه میاشت او د تمیز غوښتنې موده درې میاشتې ټاکل شوې ده
د افغانستان اسلامي امارت د زعيم عالیقدر امیرالمؤمنین (حفظهالله تعالی) د (۳۲۵۰/۶۸۴۲) ګڼې، (۲۹ /۹ /۱۴۴۷ هـ ق) نېټې حکم او د سترې محکمې د دار الانشاء عمومي ریاست د (۳۳) ګڼې او (۱۴۴۷/۱۰/۱۴هـ ق) نېټې متحد المآل له مخې، د مرافعه غوښتنې موده د ابتدائیه محکمې د حکم د ابلاغ له نېټې څخه تر یوې میاشتې او د تمیز غوښتنې موده د مرافعه محکمې د حکم د ابلاغ له نېټې څخه تر درې میاشتو پورې ده.
د افغانستان اسلامي امارت ستره محکمه د دوسیو جانبینو ته خبر ورکوي، چې د اړتیا په صورت کې دې د ټاکل شویو مودو په جریان کې د مرافعه او تمیز غوښتنې ترسره کړي، تر څو اړوند مرافعه او تمیز محکمې د هغوی عرایضو او دوسیو ته پر وخت رسېدنه وکړي.
دغه راز د محاکمو ټولو قدرمنو مسؤولینو ته هدایت ورکول کېږي چې د مرافعه او تمیز غوښتنې اړوند عرایض او دوسیې د عالیقدر امیرالمؤمنین (حفظهالله تعالی) په یاد حکم کې د ذکر شوې مودې په جریان کې تسلیم او د اصولو مطابق ورته رسېدنه وکړي.
