د کندهار ولايت مرافعه محکمې رئيس په مشرۍ اداري غونډه وشوه
د کندهار ولایت مرافعه محکمې رئیس محترم الحاج شیخ محمد (محمدي) په مشرۍ؛ د مرافعه محکمې د دېوانونو رئیسانو او غړو، د وثایقو آمرینو او غړو، د تحریراتو رئیس او د دعوت او ارشاد آمر په ګډون، په ۲۲/ ۸/ ۱۴۴۷ هـ ق نېټه اداري غونډه وشوه.
غونډه د مدني دېوان غړي مفتي عبدالله لخوا د قرآنکریم د څو مبارکو آیاتونو په تلاوت پیل شوه؛ ورپسې د ارغنداب ولسوالۍ ابتدائیه محکمې پر استهداء باندې بحث وشو او په اړه یې اړوند محکمې ته له اصولو سره سم هدایت وشو.
د غونډې په دوام پر يو شمېر قضائي او اداري موضوعاتو هم اوږده او تفصیلي بحثونه وشول.
غونډه د دعاء په ویلو پای ته ورسېده.
